[اصبحت موضه لجيل اليوم شباب وبنات ويساعدهم الاهالى
البنت تفكر فى مرتب العريس والشقه هتكون فين والمهر كام
والشبكه بكام!!!!!!!
وكأنها ستتزوج المال وليس صاحب المال و من السهل عليها
تعيش حياتها وتعيش اجمل قصة حب ولا روميو وجولييت على حد قولها
وبتمر السنين مع اجمل قصة حب وتبادل تليفونات نص الليل ورسائل الموبايل
واه من الورد والوانه المبهره ويأتى ما لم يكن ببال العاشقين
عريس لديه فيلا فى ارقى مكان فى الجمهوريه
سياره احدث موديل..شبكه غاليه جدا
وتعود البنت لحبيبها وسط دموع واهات وتقول
"الحقنى يا حبيبى عاوزين يجوزونى بالعافيه انا مش عارفه اعمل ايه بصراحه العريس جاهز ومش عارفه اطلع فيه عيب اتصرف اعمل حاجه والا هموت نفسى"
مشهد مؤثر مبكى نراه كل يوم
يأتى العاشق الولهان:مش ممكن يحصل ده على جثتى تكونى لحد غيرى
انتى مش عارفه لو روحتى منى هعمل ايه انا ممكن اموت فيها
ويأتى رد الحبيبه:طاب والعمل يا حبيبى انت لازم تتصرف ارجوك
وييجى الشاب لاسرته المسكينه اللى امكنياتهم محدوده ويقول:
بابا ..ماما انا هموت نفسى حبيبتى هتروح منى اعمل ايه ارجوكوا دلونى
انا لازم اخطبها والا مش هتشوفوا وشى تانى!!!
وسط علامات الحسره والتعجب من الوالدين المجبوران على امرهما
والله يا ابنى ما باليد حيله انت عارف الظروف
ويبكى الشاب وينسى والبنت تتجوز وتضيع قصة حب روميو وجولييت
الشباب وما ادراك ما الشباب
العقل زينه!!!
يأتى الشاب الذى سخر حياته للعمل من اجل الكسب المادى وان يهىء نفسه للزواج وبعد مرور سنوات بلوغه سن الثلاثين
يخاف لا يفوته قطار الزواج مثل ما بيقولوا
تيجى الوالده وتقوله اما انا شوفتلك عروسه هايله
مال وجمال وباين عليها هاى كلاس خالص
ييجى الشاب: بجد يا ماما طاب منين وشوفتيها فين وعرفتيها ازاى؟؟؟
ثم رد الام:
شوفتها كانت على الترابيزه اللى جمبى فى النادى يا حبيبى لو قررت انا اروح اخطبهالك حالا
طاب مش لما اشوفها الاول يا ماما!!
انت بردو تشك فى ذوق امك يا حبيبى؟؟؟؟
خلاص يا ماما خير البر عاجله
ويأتى اليوم المنتظر يوم ميعاد مقابلة الاهل
الولد جالس لا يتحدث ولا شىء والام هاتك يا رغى انا ابنى عنده فيلا فى احلى مكان فى مصر ولو عروستنا معندهاش مانع ييجوا يعيشوا فى القصر عندنا
وطبعا العروسه لا يمكن تعيش مع حماتها ولا حتى فى الجنه ونعيمها
وييجى رد الام خلاص شوفوا احنا هندفع مهر ....جنيه
وشبكه بـ..جنيه
وعلينا الفيلا والنجف واودة السفره ميضرش وانتوا عليكوا الباقى
كأنهم بيشتروا بضاعه
والولد جالس بجانب والدته لا صوت له يا عنى اصله بيتكسف
اسئلتى للبنات:
*يا ترى مواصفات فتى احلاميك انه يكون مرتاح ماديا فقط؟
*ايه وجهة نظريك عن الحياه الزوجيه؟
*ممكن تتجوزى شاب غير مرتاح ماديا وتشاركيه فى بناء حياته؟
اسئلتى للرجال :
*هل من الممكن ان تختار لك والدتك زوجتك؟ولماذا؟
*ما هى مواصفات فتاة احلامك؟
*ماذا تفعل لو تركتك حبيبتك لاجل عريس اجهز منك ماديا؟
الأربعاء 4 مارس - 10:07
