طال الغياب وطاول المقـرود هاالليـل الطويـل
الله وكيلك كل شيّ(ن) في سما هاالليـل طـال
ملّ الصبر من صاحبـه والنـار ولّعهـا فتيـل
وأخذت سيفك يا قصيدي يـمّ ساحـات القتـال
مافيه عاقل يمتطي صهـوة جـواد المستحيـل
ينخا وينخا في زمان(ن) أثمر أشبـاه الرجـال
في ساحل الدمام أدرّس نفسي الصبـر الجميـل
وأعزي النفس الحزينه فـي فناجيـل الـدلال
أوازن حروفي وغصب(ن) لا طرت حايل تميل
وأحط شوقي با اليمين ويرمي سنينـي شمـال
ما باقـي إلا ذكريـات وقصـة الحلـم الذليـل
تسفي عليه من الصحاري كل دمعـات الرمـال
( خذ يا بحر كل ماتبي ) لا مات هاذاك الخليـل
وش عاد يفرق يا بحر بين الحقيقه والخيـال !
وش عاد أسوي في غلاه وكيف أدّور له بديل !
القصه أكبر يا بحر يضرب لهـا أكبـر مثـال
لا صار حبّه جوف قلبي كنّـه جـذور النخيـل
الموت أهون يا بحر دام الحرام أصبـح حـلال
كم طعنة(ن) يا قـوة الله ترمـي بميّـة قتيـل
ياما تحمّلنـا ليـال(ن) مـا تحمّلهـا الجبـال
أرفع كفوفي للسما .. يا الله داخل بـك دخيـل
إرحم غريب(ن) شيبت عينه صواديف الليـال
لا أدري ..؟؟!!
هـل هـذا شـعــــــــــرٌ أم سحـــــــــر ؟؟!!
اسـتمعــتُ إلى معــزوفــــة يطــرب لهـا الحـجــر والبحــر ..!
هُـنــا .. هـطــــــــــول سحـــــــــابـة ..
للـه درّك يـا سطــــــــــام للـه درّك ..
فـقــد شــربنــا شِـعــــــــرًا عــذبــًا زلالاً ..
كـريــمٌ يـا شمــري حـتى فـي الشعـــــــــر ..!
لا أمـلك لهــذه الشـامخــة إلاّ الـ 5 نجـوم والتـثـبيـت لعــلهـا تــرضــى ..!
الثلاثاء 3 مارس - 6:56