السلام عليكم ورحمة الله وبركاته
كيكة المولتن رهييييبه وطعمها أحلى
وللي ما يعرفها شوفوها بشيلز <<<أخس يالخبره
المهم لكم المقادير والطريقه
المقادير:
باكيت خلطه الكيك الجاهز من بيتي كروكر
شوكولاته هيرشي السائله ( الكمية مو محددة انتي و ذوقك)
صوص الكراميل ( الكمية مو محدده...على حسب الصحن)
صلصة الفدج(chocolate fudge sauce)
ايسكريم فانيلا
قالب الكيك بهالشكل
*^* الطريــقة *^*
1- نعمل الكيك مثل ماهو مكتوب على العلبة...هذي الكمية بتعمل لنا قالبين من هالنوع
2- بعد ما نسوي الكيك نقلبه على الشبك إلين ما يبرد.. و بعدين نعمل حفرة شوي عميقة من جهة الدائرة الصغيرة (جهة القاع في القالب)..و خلي شوية كيك يعني لا تنزلين في الحفر لي تحت
3- نضع الكيكه في صحن التقديم و نضعه في الميكروويف لمدة دقيقة و بعدين نطلعها و نصب شوكولاتة الفدج السائله داخل الحفرة اللي عملناها (كل ما كان الصوص اكثر كل ما كان احلى)
4- نضع سكوب واحد من الأيسكريم فوق الحفرة و نصب شوكولاتة هرشي السايله فوق الأيسكريم و على الكيكة
5- نزين الصحن بالكراميل
وهذا الشكل النهائى
و بالعاااافيه على قلوووبكم